BO NADAL!

DESEXÁMOSVOS UNHAS FESTAS CHEAS DE LEDICIA E BOS MOMENTOS!
UN BIQUIÑO DE TODAS AS MOMIAS

FESTIVAL

Despois de varias semanas ensaiando chegou o gran día, fixémolo xenial e estabamos guapísimos.

VISITA DOS REIS MAGOS!

O xoves xa entramos pola mañá algo nerviosos, pola tarde viñan os Reis Magos!!!

Despois de meter a nosa carta no Buzón Real contámoslles o que pedíamos. Que bos son estos Reis que regaláronnos un cucurucho cheo de chuches.

Antes de volver para a clase metemos a man no  saco para sacar a nosa tarxeta do amigo invisible.

Que ben o pasamos!!!

OS NOSOS TRABALLIÑOS DE NADAL

Durante estes últimos días de cole traballamos moítisimo en cousiñas do Nadal, árbore para decorar, portada para os traballos, postais para as familias e o amigo invisible, mural para a entrada do cole, carta aos Reis Magos... Mirade, mirade cantas cousiñas fixemos!

Cousas de Nadal!

Mañá virán os Reis Magos a visitarnos, que nervios!
Xa temos as nosas cartas preparadas:

Preparamos unas postais chulísimas para desexarlle o noso amigo/a invisible do cole un Bo Nadal. 

Hoxe tamén levamos para a casa un adorno para decorar a nosa árbore de nadal.

FELICIDADES MATEO!

O martes celebramos o cumple do noso amigo Mateo, cantámoslle a canción, tirámoslle das orellas, soplamos a vela e como non démoslle o noso agasallo.

Despois de comer o rico biscoito Mateo sorprendeunos cunhas galletas de Papá Noel chulísimas. 

Mirade, mirade!

O NADAL CHEGOU A AULA DAS MOMIAS!

Coa chegada destas datas tan especiais, as Momias puxemos a nosa árbore na clase. Cada un de nós foi colocando un adorno para que quedase así de chula... 

Mirade, mirade...

A nosa porta convertiuse nunha chimenea, sabedes que está baixando por ela???

MELLORES LECTORES

Comezamos de novo coa actividade promovida pola biblioteca do cole, os MELLORES LECTORES DO MES.
Noraboa a María e Lola.
Seguide disfrutando así dos contos!

RESOLVENDO O ENIGMA!

Estamos preto de descubrir quen será o noso novo amigo. Esta semana, Constanza, no momento de xogo nas distintas zonas da aula decidiu ir ao "Recuncho de Exipto". A sorpresa foi cando trouxo un papeliño co que poñía o enigma. Discurriu e foi quen de saber que cada debuxo correspondía a unha letra. O problema agora é que non sabemos o que pon, pero estou segura que pronto o descubrirán.

Noraboa Constanza!!!

SORPRESAAAAAAAAA!

O venres tivemos unha sopresa moi especial. A profe Irene veu visitarnos. Trouxonos un regaliño, un libro sobre o Antigo Exipto!
Grazas profe, queremoste moito!!!

VIAXAMOS A EXIPTO?

Esta semana atopamos debaixo da pirámide unha nota. Supoñemos que no la deixou Momia xa que na pizarra había unha momia dibuxada que dicia "mensaxe". 

Tratábase dun conto moi chulo...

Estusiasmados, pedímoslle a profe que o lera.... Preguntábanos se queríamos facer unha viaxe moi longa. A resposta foi SIIIIIII. Así que collemos a matela e fumos ata "O Antigo Exipto".

Despois de pasalo xenial co conto decidimos buscar aquel sitio para saber ata onde viaxáramos.

A pregunta foi: Onde o buscamos? Nos mapas dixeron case todos a vez. Mateo O. dixo que no seu libro aparecía un, asi que comezamos a investigar... 

Despois de ver o mapa do libro buscamos Exipto nun mapa máis grande, descubrimos que estaba nun continente chamado África.

Por último, buscámolo en google maps...

No recuncho de Exipto temos a bola do mundo... Así que o día seguinte, por parellas e pequenos grupos, tamén buscamos alí onde estaba Exipto.

Que bos investigadores somos!!!!

CUMPLE RUBÉN!

O martes celebramos o cumple do nos amigo Rubén! Que ben o pasamos, cabtámoslle o cumpleanos feliz, sopramos as velas, comimos un rico biscoito e uns gusanitos!
Pasámolo xenial!
Grazas Rubén, MOITAS FELICIDADES!

PEÓNS, TROMPOS, PEONZAS, BUXAINAS!!

O martes celebrouse o día do peón, xogo tradicional galego. Na aula fixemos uns trombos cun CD e un rotulador e os puxemos a bailar enriba dun folio. Que debuxos máis raros! A lámina estaba chea de círculos, raias, garabatos... Deixamos volar a nosa imaxinación e con con esos elementos dibuxamos cousas reais. 

Coa profe Marta tamén celebramos este día facendo uns peóns con cartulina, palillos e plasti. Quedaron chulísimos!

Que sabemos e que queremos saber?

Para comezar a investigar sobre o Antigo Exipto comezamos cunha asamblea onde falamos de que sabíamos e que era o que queríamos saber sobre o tema.
Deixovos o resumo para que o vexades, saíron cousas moi interesantes...
Mirade, mirade!

Como finalización a esta asamblea fixemos un debuxo sobre as nosas ideas previas sobre"O Antigo Exipto". 

Tan chulis quedaron que decidimos expoñelos na clase.

Comezamos unha nova aventura

O luns pola tarde, ao entrar na aula dímonos conta que alguén nos deixara algo enriba da mesa. Enseguida comezaron as dudas de que se trataría, unha pirámide foi o mais escoitado entre os nenos/as pero tamén falaron de contos ou de algún xoguete.

 Constanza foi a encarga de descubrir que se atopa debaixo da manta e enseguida gritou "tíñamos razón, é unha pirámide"

 Enriba da mesa atoparon un papel enrolado e enseguida quixeron que llo lera. Era unha carta escrita pola nosa mascota da aula, Momia. Nela preguntabanos se este curso queríamos investigar sobre o antigo Exipto? A resposta foi clara, SIII!!!

 Momia contounos na carta que estivéramos atentos o que podíamos atopar dentro da pirámide porque nos ía a servir para coñecer moitas cousas sobre o lugar onde vivía.

Xa para rematar contounos que dentro de pouco teriamos un novo amiguiño na clase e que se queriamos saber de que se trataba teriamos que adiviñar un enigma. Pero, onde estaba ese eningma? Pablo enseguida contestou "Dentro da pirámide".

Levan toda a semana mirando para el e facendo cábalas, que se é un paxariño, quizais un león... Shhh, non os axudedes, teñen que ser eles os que descubran de que se trata...

CUMPLE CONSTANZA!

Hoxe celebramos o cumple da nosa amiguiña cunha gran festa. Tirámoslle das orellas, cantamos o cumpreanos feliz, sopramos a vela, comimos un rico biscoito acompañado dun zume e bailamos cos "Cantajuegos".

Grazas polo agasallo, esperamos que che gustara o noso.

 MOITAS FELICIDADES!

XOGANDO COS BLOQUES LÓXICOS!

O xoves xogamos cos bloques lóxicos. Clasificámolos pola súa forma, pola cor, contamos cantos había de cada tipo, falamos do tamaño, do grosor, comparámolos...

Despois decidimos fomar trens coas pezas... Antes de comezar a construilos pregunteilles:

Que tren será o máis longo? A resposta foi unánime, o dos círculos porque había máis... 

Ocurriu todo o contrario, o tren máis longo foi o dos rectángulos.

Despois de darlle moito a cabeciña dímonos conta que os réctángulos eran máis longos por iso o tren tamén o era aínda que tivese menos vagóns.

Mirade, mirade...

EXPERIMENTAMOS COA REALIDADE AUMENTADA

As tecnoloxías permítenos achegar aos alumnos/as coa realidade máis concreta. 

Durante o Samaín pintamos unha lámina chea de cabazas... Ata ahí todo normal, pero a volta da ponte a profe deixounos o seu móvil para que enfocasemos unha lámina como a que pintáramos coa cámara da aplicación... Mirade o que sucedeu...

As cabazas, por arte de maxia, cobraron vida, saíron do papel e puxéronse a bailar.

Se o queredes ver na casa solo tedes que descargar a app colARMix. Anímovos a que o fagades cos vosos pequenos/as.

CELEBRANDO O MAGOSTO E O SAMAÍN

O xoves foi un día cheo de actividades xa que celebramos o Samaín e o Magosto. O cole encheuse de bruxas, vampiros, esqueletes.... Ao final da mañá tocounos ir ao contacontos, a cousa non era fácil, para escoitalo tiñamos que pasar polo tunel do terror. Coa proba conseguida disfrutamos dun conto de bruxas grazas as nosas profes de ingles, Vero e Taj. 

Pola tarde foi o noso turno para xogar a Oca na pista e para rematar a xornada comemos unhas deliciosas castañas asadas e toamos un zume.

Pasámolo xenial, mirade!!!

PÓCIMA PARA OS MEDOS

Durante esta semana falamos sobre os nosos medos e para rematar o traballo sobre o contido fixemos unha pócima para beber e así poder superalos. Ao entrar a clase pola tarde atopamos algo agochado debaixo dunha mantiña:

Despois de descubrir de que se trataba comezamos a preparar a pócima, os ingredentes foron:

-Auga da fonte da montaña onde vive unha bruxa.

-Cerebro de rato.

-Gusanos.

Ainda por riba de axudarnos afrontar os nosos medos estaba boísima.

TEMPO DE SAMAÍN

Finais de outubro e a puntiño de celebrar o Samaín... Na aula das Momias fixemos varios traballiños, autoretratos de medo, pinzas de morcego para colgar os nosos traballos... Mirade canto traballamos e o bonito que nos quedou na entrada do noso cole.

AS NOSAS CABAZAS

O Samaín chegou o Labarta Pose coas nosas cabazas decoradas, a entrada do cole está chea delas. Canto traballamos na casa coa nosa familia. Noraboa a todos, son chulísimas!

Mirade, mirade!

QUE MEDO!

Comezamos á semana máis terrorífica do curso... Mirade que medo entrar na nosa clase, hai un monstruo!!!!!!!!

O medo é o tema principal da semana do Samaín. Traballámolo a través do conto "O Gran Libro dos Medos do Rato Pequeno"

Despois de contalo falamos dos medos do Rato, dos nosos medos e do que lle pasa o noso corpo cando ten medo (nos ollos, na boca, no corazón, na pel). Entre todos buscamos as solucións máis axeitadas para vencer eses medos.

CARAS COCIÑEIRAS

Seguimos a traballar con Arcimboldo. Esta vez tócanos imitar o pintor. Mirade que simpáticas quedaron as nosas obras. Un folio, cores e folletos de supermercados é todo o que precisamos para convertirnos en pequenos artistas.

ARCIMBOLEANDO!

Como xa vos contamos días pasados estamos coñecendo a Gueseppe Arcimboldo. Primeiro limos un conto sobre este pintor Italiano que cos seus cadros facía maxia, cousas raras... Cremos que estaba medio toliño...

Pintaba un frutero, pero se lle dábamos a volta é cara dun home; pintaba caras utilizando verduras...

Despois do conto, fumos a Pizarra Máxica. Bucamos no mapa onde nacera, repasamos as letras do seu nome, observamos e falamos sobre varios cadros de el, rodeamos froitos na súa obra chamada "Otoño"...

GAFOTAS MÁXICAS!

MOMENTO DO CONTO... A profe aparece cunhas gafas!!

Si, si, son as lentes máxicas de Mónica. As pon cando o conto que vai a contar é moi importante.

Pero, porque son máxicas? Se as miramos parece que non teñen cristais, sen embargo, cando as pon a profe si que teñen... Non hai quen o entenda pero, é o que ten a maxia!!

O primeiro conto "importante" para o que a profe precisou as gafas foi un que nos contaba un pouco quen era Arcimboldo!! 

Pronto veredes cousiñas sobre el!

Deica pronto!!!

SORPRESA!

Hoxe tivemos unha visita moi especial. A profe IRENE veu a visitarnos!!!

Que contentos nos puxemos, grazas por vir!

Querémoste, volve pronto!

Un biquiño das Momias.

PARABÉNS LARA!

Hoxe celebramos o cumple da nosa amiga Lara, Xa ten 5 anos, está feita unha chica!

Para a festa trouxonos unha boísima tarta e nós agasallámola cun regaliño.

Pasámolo fenomenal, cantamos, comemos, bailamos, e como non podería ser doutra maneira, tirámoslle das orellas.,

FELICIDADES PITUFA!

PINTANDO NO CHAN!

Nunha das asembleas a profe volveuse tola, PINTOU NO CHAN! e aínda por enriba, a nós deixounolo facer tamén. 

Estivemos repasando contidos relacionados coa lóxica-matemática: asociación número-cantidade, serie numérica, anterior posterior...

Mirade que ben o pasamos!

CUMPLE LUANA!

Comezamos as celebracións dos cumples coa nosa amiguiña Luana,  XA TEN 5 ANOS!

Desfrutamos un montón da pequena festa, cantámoslle o cumpreanos feliz, tirámoslle das orellas, comimos un biscoito boísimo e regalounos unha piruleta de chuches!

PARABÉNS PITUFA e que cumplas moitos máis...

PRIMEIRO DÍA DE COLE

Chegou o día de comezar o cole.Entramos na aula moi nerviosos e emocionados. Descubrimos que este curso seriamos As Momias, buscamos os nosos percheiros, vimos os xoguetes que había, falamos un pouco das aventuras que nos sucederan no verán...

Unha xornada impresionante compartindo uns pinchos cos demais nenos/as no comedor.

Mirade, mirade...

BENVIDOS

Ola amigos!

Comezamos un novo curso, o último de Educación Infantil. Un ano no que nos divertiremos e disfrutaremos de momentos moi especiais.

Somos a aula das Momias, acompañarannos nesta aventura os nosos amigos os Faraóns (3 anos) e os Deuses (4 anos). Con eles aprenderemos moitas cousas sobre un lugar que chaman Exipto. Estades todos preparados para viaxar no tempo?

Neste blogue poderedes ver todas as aventuras que van sucedendo no cole. Espero que as disfrutedes.

Un biquiño enorme.